Miss Curaçao World Nashaira Balentien lo no representá Kòrsou na Miss World 2016

23 Nov 2016

 

Nashaira durante e último lunanan a bin ta prepará intensivamente pa e reto aki, e la biaha pa Chicago kaminda e la bai atendé tur lokual tabata tin de haber ku su “Gardarobe”  serka Mac Duggal, tambe e tabata tin un media tour ku un entrevista na Univision den e programa Despierta con Zoe.

Durante nos estadia na Chicago nos a invitá Miss World 2010, Alexandria Mills pa bin topa nos i sera konosí ku Nashaira. Nos mester bisa ku tabata un enkuentro fruktífero, Alexandria a keda sumamente impreshoná ku Nashaira su personalidat i a ofresé mesora pa bira su mentor, pa gui’é pa e logra klasifiká den e finalistanan i trese e korona di Miss World Kòrsou.

Siman pasa Alexandria Mills a biaha pa Kòrsou, kaminda e por a eksperensia Nashaira den su mes ambiente i tambe wak e proyekto ku Nashaira tabata trahando riba dje pa su “Beauty with a Purpose” i asina  gui’é mas dirèkt riba su partisipashon na Miss World.

Esaki nan tabata gastunan ku nos komo Coridja Stars Productions a tuma na nos enkargo, komo nos tabata konvensí ku Nashaira tabata tin e potensial pa trese e Korona di Miss World Kas.

Coridja Stars Productions ta lamentá ku maske nos a hasi tur esfuerso di nos banda, tòg tin algun detaye ku no a wòrdu konkretisá dor di e organisashon ku tin e lisensia di Miss World aki na Korsou na tempu, pa ku e organisashon di Miss World.

Tambe informashonnan ku no a yega na tempu serka nos, pa por a atendé korektamente, pe:                   e “Media Challenge” i e Facebook Page di Miss World – Curaçao tambe no a wòrdu lansa, pues esakinan tur ta trese Nashaira  den desbentaha. Motibu pa kual nos disidí di hala tras ku partisipashon di Nashaira Balentien na e sertámen Miss World 2016, nos no ta haña ta responsabel pa nos sigui invertí di e forma ku e kosnan ta bai.

Coridja Stars Productions lo bai hasi su máksimo esfuerso pa buska un sertámen di un nivel haltu kaminda Nashaira Balentien lo por bai representá Korsou dignamente manera e meresé.

More news

ALA JAZA

20 Jul 2019

Fundashon JAG ta presentá “Ala Jaza” den konsierto bailabel

Front Nobo Gio

18 Jul 2019

Gio un biaha mas ta notisia. E biaha aki informashonan tokante GIO ta hopi positivo.

Posishon di Gentz pa ku Chris.

15 Jul 2019

Rumornan ku Archel Calister lo saka Chris for di Gentz nota kuadra ku realidat.

Presentashon di trage grupo EHEHE

03 Oct 2018

Presentashon di trage di karnaval pa karnaval 2019 di grupo Ehehe

HYPE

03 Oct 2018

Get hype ku agrupashon musikal HYPE

Richard Pols di Radulphus College ta risibí Rotary Youth Leadership Award 2018

18 Jun 2018

Richard Pols ta gana Rotary Youth Leadership Award 2018 (RYLA). Durante e último 3 dianan sigur 40lider potensial di 14 skol a kompetí pa e premio akí. Durante e workshop e hóbennan, tur entre 13 i 18 aña a risibí training di coachnan profeshonal pa loke